Kular aikam sorkar u CM ia u Pynshngain uba khur takma na ka National Games

Syllad | The Rising MeghalayaFebruary 6, 2025

U Myntri Rangbah ka Jylla Meghalaya u Conrad K. Sangma haka 5 tarik Rymphang u la ïakren bad u Pynshngaiñ Kurbah bad u la ai khublei ïa u hadien ba u la ïoh ban khur ïa ka takma rnong ha ka iakop kieng lieng ne ka Canoe Men Slalom ha ka 38th National Games, Uttarakhand.

“Kum shi bynta ban pyntreikam ïa ka Sports Policy bad ban ithuh halor ka jingjop jong u Pynshngaiñ, ka Sorkar kan ai kam Sorkar ïa u,” ong u Myntri Rangbah ka Jylla.

U myntri rangbah u la ai khublei ruh ia u Coach Ian Vincent, bad ia ka Team Manager ka Sheela Vincent.

U Pynshngain u iathuh ba ka jingioh khur ka jong ia ka takma rnong kaba dei ruh kaba nyngkong ia ka Meghalaya ha kane ka lympung ka la wan long hadien ba u la hap ban iakhun pyrshah ia ki snar ialehkai jong kiwei pat ki jylla kum na Uttrakhand, Rajasthan, Madhya Pradesh bad don ruh kiba la dep wat ban mihkhmat na ka ri.

U Pynshngain u iathuh ruh ba um shim la don sata hapdeng ka met kaba koit ba khiah bha, namar ba ka la don ka jingshitom khamtam lei lei na ki bynta jong ka kjat, hynrei u la pynpaw ba u la kut jingmut ban iakhun dohiap ban ioh ban khur ia kane ka takma rnong.

Sa ar tylli ki takma la ioh khur u Indra Sharma, katba ka Kiran Devi bad ka H Anadhi ki la ioh ia ka takma rnong ha ka lightweight women’s double scull (jingiakop king lieng ba arngut).