Kop ka NPP ban jop baroh Saw MDC na Mowkaiaw

Syllad | The Rising MeghalayaJanuary 25, 2019

JOWAI:  Da ka jingpynïasoh u Ma Chanky Lyngdoh MDC ka United Democratic Party (UDP) sha ka National People’s Party (NPP) haka sngi Thohdieng; U Ma Gilbert Sten u khlieh ka NPP na 4 Mowkaiaw Constituency ula ong “ka lyer NPP ha Mowkaiaw kala nang niat shakmat bad baroh saw ngut ki kyrtong kin poi sha ka thong”.

Kai paidbah ha katei ka thain kila don ka mynsiem ban ieit ïaka party tang hadien ka MLA Election 2018 bad mynta ka party ka don haduh 3000 ngut ki Primary Member bad kyrmen ba ki nang wan pynrung kyrteng shuh shuh ban long ki dkhot kaba pura.

Ki kyrtong MDC ka NPP na katei ka thain ki kynthup ïa u Rudaioo Tang na 11-Shilliangmyntang, u Rioo Sten naka 12-Barato Mukroh,  MDC 13-Saphai U Habahun Dkhar, U Heirtami Suting- na 14 Mowkiaw.

U President NPP West Jaiñtia Hills u ma Octomewot Lamin ula ong ba ngi pdiang sngewbha ïa u ma Chanky sha ka party bad ula ong “bunsien ki nongmihkhmat haba ki iehnoh ne phet seng na kano kano ka party ki kwah ban ïakhun elekshon, hynrei u Chanky u don ka mynsiem rangbah kumjuh ki nongkyrshan jong u ban kyrshan pura ïa kyrtong bala ai ticket ka party”.