Knieh noh u Conrad ïaka kam pohïing na u hymmen

Syllad | The Rising MeghalayaFebruary 12, 2020

SHILLONG: Hadien ka jingdawa pynhiar shuki kaba jur na ki party ba ïatreilang haka sorkar synrop MDA, u Myntri Rangbah ka Jylla Conrad K Sangma hynne ka sngi ula knieh noh ïaka tnad kam pohïing nala u jong u hymmen James Pangsang Kongkal Sangma.

Ki paralok ba iatreilang haka sorkar MDA kila kynnoh ba u James u donkti haka jingshalan dewiong beaiñ ha Jylla.

Katkum ka jingpynbna Dated Shillong, 11th February (Rymphang), 2020 No.CA.03/2018/41, u chief secretary ula pyntip ba u Chief Minister ula bhah kam thymmai ïaki katto katne ki myntri jong ka sorkar jylla.

U James Pangsang Kongkal Sangma un peit ïaka tnad Taxation, Power, Food, Civil Supplies & Consumer Affairs, Law, Information & Public Relations.

Alexander Laloo Hek un bat iaka tnad Health & Family Welfare, Home (Jail), Home (Passport), Arts & Culture.

Katba u Lahkmen Rymbui u dei u myntri thymmai ka tnad kam pohiing (Police) kynthup ïaka tnad Forest & Environment, Border Area Development, Education.

Hamletson Dohling un bat ïaka District Council Affairs, Urban Affairs, Municipal Administration, Information Technology.