Kner jingiarap u Dy CM sha ka longiing ba duh ia ar ngut ki khun naka jingpluh ding ha Namdong A
U symbud myntri rangbah ka jylla bad MLA ka thain Ma Sniawbhalang Dhar haka 23 tarik Nailar ula leit ai mynsiem bad kner jingiarap sha ka kawei ka longiing kaba duh iaki ar ngut ki khun kynthei haka jingpluh ding ka iingsah ka jong ki.
Kane ka iing ka dei trai da ka Kong Virginia Lyngdoh bad Ma Shanbor Pasi haka shnong Namdong-A, kaba hap hapoh ka Nartiang Constituency.
Kane ka jingjia pluh ding ka la jia haka miet 8 tarik Nailar, katba ki arngut ki khun kynthei kiba don haka rta 1 snem bad 12 snem ki dang iohthiah lyngngain.
La suba ba ka jingpluh ding kadei na ka jingthang mombati hynrei da ka jingkloi ki paidbah ban aijingiarap la lah pat ban pyllait im ia lai ngut ki mynsiem kiba don ha kawei pat ka kamra thiah.
U Ma Sniawbhalang Dhar ula ai mynsiem ia u kpa bad ka kmie ryngkat ka jingkner jingiarap na ka bynta jong ki.
La synran ia u Ma Dhar da ki nongialam bad dkhot nongkitkam ka Dorbar shnong Namdong-A ha ryngkat ki riew rangbah bad ki samla napoh ka Nartiang Constituency.
Facebook
Instagram
Youtube
Twitter
Leave a Reply