Kner jingiarap ka Rotary Club Jowai da ki tiar iada COVID-19

Syllad | The Rising MeghalayaMay 8, 2020

Ka Rotary Club Jowai kala kner la ka kti da kaba ai jingiarap da ki mask bad ki sanitizer sha ki officer bad ki nongtrei jong ka Food Corporation of India (FCI) ha Food Storage Depot (FSD) Jowai haka sngi Palei.

Ia kine ki tiar iada n aka khlam COVID-19, la ai ruh sha ki nongniah trok, ki nongbylla bad iaki wholesaler.

Ha kane ka jingsam ia kine ki tiar la iadonlang u Additional Deputy Commissioner, West Jaintia Hills District U Ma L Kynjing bad ki nongtrei ka tnad Supply, u Rtn. Rudolf Eustace Laloo (PHF)  Secretary Rotary Club jowai

U Rudolf Laloo ula iathuh baka Rotary Foundation Trustees kala shim ka sienjam ban kynthup lang haka project jong iaka khlam COVID-19. Ha Jowai pat la iasnohkti lang da kaba sam da kine ki tiar iada da ki mask ki hand sanitizer kum shibynta ban iarap iaki para briew.

U ma L Kynjing haba kren ula ai khublei iaka Rotary Club kaba la shim iaka sienjam ban iarap iaki nongniah trok kiba dei ki briew kiba mih khmat ban pynpoi marbam ha kum kane ka saw ka sain ban iakhun iaka khlam COVID-19.

Ula kyntu ia baroh ban ban bud ryntih iaka jingbthah jong ka tnad ka koit ka khiah khnang ban shngain bad ban ioh ka met kaba koit kaba khiah.