Kner jingiarap ka kur Malngiang ha Muskut

Syllad | The Rising MeghalayaMay 10, 2020

Ka Kur Malngiang kala kner la ka kti jingiarap da kaba ai sngewbha da u khaw bad ka mluh sha ki nongshong shnong jong ka Maskut, Elaka Maskut.

Ka shnong Maskut kadei ka shnong kaba don harud ka Sung Valley, kaba hapoh West Jaintia Hills District kaba don 65 tylli ki longiing.

Ka Kur Malngiang haka sngi Saitjain ban snohktilang bad ka sorkar haka jingiakhun pyrshah iaka khlam COVID-19 kala mih shakhmat ban iarap ia katei ka shnong da kaba ai sngewbha da u khaw mar san kilo bad ka mluh.

Ha kane ka jingsam marbam la iadonlang u Dolloi ka Elaka Muskut u Bah Phrangki Rynjah, u Waheh Shnong u Bah Kyrsiew Kharbihthai bad kiwei kiwei ki dkhot jong ak shnong.