Kner jingiarap ka Ephphatha Society sha ki briew kiba duna haka bor met

Syllad | The Rising MeghalayaJuly 28, 2021

Ka Ephphatha Society (ka society ba peit kyrpang ia ki briew ba don jingduna ha ki dkhot met/Persons With Special Needs) haka sngi ba Ar (27/07/21) kala synñiang jingiarap sha ki 35 ngut ki briew ba don jingduna ha ki dkhot met kiba don ha ka shnong Umsatai, Ladwahwapung, Deiñsatlang bad Pynurkba, East Jaiñtia Hills District.

Kine ki jingiarap kiba la kner ka Ephphatha Society ki dei ki mar bam ba kynthup ia u khaw, u phan bad u dai.

Ha kane ka jingsam marbam kane ka society la iadonlang ki waheh chnong jong kitei ki shnong bad ki nongtrei ASHA bad Aganwadi nalor ki kmie jong kitei ki khynnah kiba don jingduna.

Ka kong Faithfulness Siangshai ka finance officer jong ka society kala ai  khublei ia ki dkhot jong ka society bad ia kiwei ruh ki paralok kiba la synniang kylluid mynsiem sha kane ka jingleit ai jingiarap.