Kitbok kitrwiang ka kSU ia u Cleverson Mynthlu u nongjngi um ban shim bynta haka Natl. Aquatic Championship

Syllad | The Rising MeghalayaJuly 1, 2023

Ka Khasi Students’ Union, East Jaintia Hills District Unit (KSU-EJHDU) lyngba ka Sports Committee kala ai ka jingkitbok kitrwiang ia u samla Cleverson Mynthlu uba la shah jied ban mih khmat ia ka Jylla sha ka jingiakop jngi um National Aquatic Championship ha Hyderabad naduh ka 2-5 tarik Naitung.

Une u samla uba na ka shnong Borghat, East Jaintia Hills u la shah jied na ka Meghalaya Swimming Association (MSA) lem bad kiwei ki paralok. Une u samla u la ioh ruh ban khur shibun tylli ki tama ha ki jingiakop jngi um ba la pynlong da ka MSA bad u la ioh ruh ban khur haduh 3 tylli ki takma ha ka jingiakop jngi um dangshen ba la pynlong da ka North East Olympic Game 2022.

Ka KSU lyngba ka Sport Committee ka la ioh ruh ban iarap ban synñiang katba shah ka bor kum ka jingiarap bai lynti ia une u samla. Ka seng ka kyntu ia ki nongmihkhmat jong ka District bad sorkar ban phaikhmat sha kum kine ki samla ban iarap iaka jingdonkam naduh ka kilan met haduh bai bam bai skul ba kin ioh pynleit jingmut bha haka kam ialehkai bad ba kin jop haka jingim ialehkai.