Kiew ka jingpass MTET: 8,581 ngut kiba pass ha LP bad 7,674 ha UP

Syllad | The Rising MeghalayaJune 19, 2025

Ki la don haduh 8,581 na ki 13,940 ngut ki kyrtong kiba pass ia ka Meghalaya Teachers’ Eligibility Test (MTET) jong skul Lower Primary bad 7,674 na ki 12,136 ngut jong ki skul Upper Primary.

Ia kane ka reslut la pynbna da ka Directorate of Educational Research and Training (DERT) hynne ka sngi Balang.

“Ka jingdon jong kiba pass ka la kiew shibun shah, kata na ka 8.11% ha u 2023 sha ka 61.56% jong ki skul Lower Primary bad na ka 9.27% sha ka 63.23% jong ki Uppper Primary jong ka MTET 2025,” ong ka DERT lyngba u kyrwoh.

“Kane ka jingpass kaba 61.56% (LP) bad 63.23 % (UP) ka pyni ia ka jingpass kaba bun eh ha ka eksam MTET hapdeng jong u snem 2019-2025,” ka la bynrap.