Kiew dor ki mar bam ha EJH, ujor ka HYC

Syllad | The Rising MeghalayaApril 27, 2021

Ka Hynniewtrep Youths’ Council (HYC), East Jaintia Hills circle kala ujor sha u Deputy Commissioner East Jaintia Hills District halor ka jingkiew dor syndet ki mar bam mar dih hapoh district ha ka sngi Nyngkong.

Kane ka jingkiew dor ki mar bam mar dih kynthup ia u khaw uba juh die 1100-1200, ki dukan kila die haduh 1300-1400 kaba la wanrah jingeh ia u paidbah, ong ka HYC lyngba u kyrwoh bala phah u Preios Pale president HYC.

Ka HYC kala kyntu ia u DC ban shimkhia ban khanglad iaki dukan shimkabu na u paidbah ha kum kane ka por ba jingiakhun iaka khlam COVID-19 ka jur khnang ba ki paidbah kin nym shah ktah.