Kiba khur takma na ka Khelo India kiba biang ban ioh kam sorkar

Syllad | The Rising MeghalayaMarch 7, 2024

Ka Department of Personnel and Training (DOPT) ka sorkar India, ha ka jingïatreilang bad ka tnad Sports, ka la wanrah ki mat treikam bathymmai halor ka jingthungkam, promotion,  bad ki kiwei pat ki jingioh (incentives) na ka bynta ki nonglehkai sport. Kine ki mat thymmai, ki dei kiba lah bsuh ha ka memorandum kaba la pynmih ha ka 4 tarik u Lber, ka don iaka thong kyntiew ki jingioh, ka khuid ka suba bad ka jinglait na ka jingleh shiliang.

U Myntri sorkar pdeng jong ka tnad Youth Affairs and Sports  u Anurag Singh Thakur u la pynbna ki nongïoh takma ha ka Khelo India ki dei kiba biang ban ioh kam sorkar.

U la ong “Haba bud ryntih iaka jingangnud u Myntri Rangbah duh ka ri u  Narendra Modi  ban pynkhlaiñ ïa ki kam sport, ka dei ka jingsara ïa ki riewdonsap naduh ba sdang bad pynkylla ka kam sport kum kawei na ki lad iohkam, ki nongialehkai Khelo India mynta ki dei kiba bit ban ïoh kam sorkar”.

U lah ong ruh ba ka thnad Personnel and Training (DoPT)da ka jingiasyllok bad ka IndiaSports kala mynjur ban bsuh thymmai iaki kyndon na ka bynta ki nonglehkai sport kiba wad kam sorkar.

Kane ka sienjam kaba radbah mynta ka plielad ïa ki nongjop ïa ki takma ha ka  Khelo India Games- Youth, University, Para bad ka Winter Games ba ki long kiba bit na ka bynta ban ïohkam sorkar. Shuh shuh la bynrap ruh ba baroh ki nongialehkai sport la kdew shai ha kane ka kyndon ba ki dei kiba biang ban ioh kam sorkar..

U Thakur ula ong ba kine ki jingkylla ki long kiba kongsan ban ai jingkyrshan na ka bynta ki nonglehkai sport ban pynlong iaka India kum ka ri kaba paw haka kam ialehkai. Ha kane ka jingpynthymmai ia ki kyndon, ki nongialehkai kiba la dap 18 snem shaneng ka rta kiba ialehkai haka Khelo India bad kiwei ki nongjop ha ki jingialehkai ha skul kidei kiba biang ban ioh ia kane ka jingmyntoi.