Kiar ka UDP ban iashim bynta ha ka bye election Gambegre namar ym pat suhthied

Syllad | The Rising MeghalayaOctober 30, 2024

U Nongialam ka United Democratic Party (UDP) uba dei ruh u Myntri Sorkar, u Bah Paul Lyngdoh ha ka 29 tarik u Risaw u la ong ba ka party jong u ka la pynjngai ia lade na ka elekshon shiteng samoi ha Gambegre ka ban long ha ka 13 tarik u Naiwieng namar ba ka party kam pat lah satia ban suhthied bha ha Rilum Garo.

“Ngi la shim ia ka sienjam ban kiar ban iashim bynta ha kane ka elekshon shiteng samoi, kata kaba mut ngim don ei ei ban leh ha kaba iadei bad kane ka elekshon ha Gambegre,” ong u Bah Paul haba jubab ia ka jingkylli la ka UDP kan ai ne em ka jingkyrshan ia ka liang synshar National People’s Party (NPP) ha kane ka elekshon.

“Ka jingdon jong ngi hapoh Rilum Garo ka dang duna shibun. Kumta ruh kam don jingmut ia ngi ban ia don bynta ha kane ka elekshon shiteng samoi,” bynrap u Bah Paul.