Kiang Nangbah Khlawait ka Ri

Syllad | The Rising MeghalayaDecember 30, 2024

Ynne ka sngi wow kynmoo tympang
Da ki khon ka Ri wow waboon walang.
Iow Woh Kiang Nangbah, khlawait ka Ri
Wa chah radang ha’u tylle  pasi.

Kiang Nangbah toh du me donhi
U nongialeh laitlooid ka Ri.
Wa iap khlem wyrai, ha kti ki nongchun
Ha khmat ki sakhi iong u paid waboon.

Kiang Nangbah, Kiang Nangbah
Chisien yei burom ka Ri darah.
Nongmuna waiah, wa pynioo mi
Yaleh khlemtieñ, dei mynsien Yatylli.

Khon ka Ri ! To bud nongmuna
Kam U Kiang wamaia iongphi iongnga.
Doloi Tyngker to beh chajngai
Wa biej rong, biej spah pyrthai.

Kiang Nangbah wyrchaw o ki kti
Hei nam, I pyrtuid ka jaitbru ka Ri.
Kyrkhu khyrdoh, ksan-ñia ksan chang na dwar U Blai
Ioh u mih ki nongialam, ki dapchynrang, dapkynthai.
Kiwa tieñ yei thok, chukor, I sang, ima
Kiwa chlur yei hok, ibha watoor, watia.

Soolangki D Laloo
Loomkyrwiang, Jowai