Ki Waheh Shnong ki dei ban pyntip lada don mano mano ba khlad shuwa ban leit on tep/thang

Syllad | The Rising MeghalayaMay 21, 2021

Ban ïada na ka jingpur stet u khñiang COVID-19 ha West Jaintia Hills District bad kumjuh ruh hapoh ka Amlarem Sub-Division, u Abhilash Baranwal, IAS, Sub Divisional Officer (C) haba pyntreikam ïa ka kyndon ne Regulation 3 jong ka Meghalaya Epidemic Diseases, COVID-19 Regulation 2020, ula pynbna paidbah ba ki waheh shnong ki dei ban pyntip lada don mano mano ba khlad watla ka jingiap kam dei na ka jingpang COVID-19.

Katkum ka hukum u SDO ula bthah ia baroh ki Waheh/Rangbah Shnong/Secretary Shnong kiba hap hapoh ka Amlarem Sub Division, ki dei ban pyntip khlem pep sha ka office jong u Sub Divisional Officer (C) bad ruh sha la ki jong ki Police Station shaphang ka jingkhlad noh ha shwa ban leit ontep/onthang lane shwa ban leh kino kino ki kam niam.

Ki jingleh niam kiba ïadei bad ka jingkhlad noh bad ka jingleit on tep lane leit on thang, la hap ban pyndep noh ha shwa ka 2 baje janmiet jong ka sngi ba bud.

Ka jingïalang kam dei ban palat ïa ka 10 ngut bad ki kyrteng, phone number bad ka jaka sah jong kito ki ba wan sha ka jaka ba ïap briew hap ban kyntiew lut ha ka Registered.