Ki kam ri jingri kim hap haka thup ki karkhana, ong u CM

Syllad | The Rising MeghalayaFebruary 26, 2024

U Myntri Rangbah ka Jylla, Conrad K Sangma haka 26 tarik Rymphang, u la ong ba ki kam ri jingri kiba kim hap satia haka thup jong ki karkhana.

Ïa kane u Myntri Rangbah u la pynpaw haba jubab ki jingkylli ba la wanrah da u nongmihkhmat ka UDP na Mawkyrwat u Bah Renikton Lyngdoh Tongkhar. U Conrad ula jubab ba ki jaka sain ne processing unit ki hap haka thup jong ki karkhana

Na ka liang u Myntri Rangbah u la ïathuh ba ka sorkar kala sdang iaka prokram naduh une u snem bala dep bad ka sorkar kala sam kj jingri ba kynthup ki khun sniang, syiar sha ki nongri jingri ha ka jylla.

Mynta kawei ne ki prokram kaba kongsan ka dei ka CM-Elevate, kaba ka sorkar kala ai iaka subsidy kaba heh na ka bynta ki nongri jingri.

“Ngi lah ïoh pdiang kumba 30,000 ki aplikeshon na ka bynta ka CM-Elevate hapoh ka 2 bnai. Napdeng kine 20,000 ki aplikeshon ki dei na ka bynta ban ri jingri,” la ong u Myntri Rangbah. U la ïathuh ba hapoh kane ka CM-Elevate 50% ka subsidy la nang pynheh da ka sorkar.

U la ong ruh ba ka sorkar kam shym la ai kajuh ka bhah jingmyntoi ba la mang ha ki kyndon treikam jong ki karkhana sha kiba ri jingri, namar ba ym lah satia ban pyniakhleh iaka kam ri jong ri bad ka karkhana

Hynrei u la pyntip ba ka sorkar kala ai jingkyrshan bapura ïa ki nongrep ha ka jylla. Ki don haduh 100 tylli ki pickup trok kiba la pyllait ban pyndonkam halor ka jingkit ki marrep.

“Ngi kwah ban ai sa 500 tylli ki kali ha kine ki san snem ban wan”, la ong u Myntri Rangbah bad ula pyntip ruh ba ka sorkar ka la ai ei iaka bording ban kyntiew iaka bording na ki kjat sngi ne ka solar energy ha ki 166 tylli ki jaka saiñ marbam ha kylleng ki jaka ka jylla.