Khyrwit hattrick u Pynskhem jop ka Da i hi & Mowkyndeng haka Third Div. ka WJDSA

Syllad | The Rising MeghalayaJune 18, 2023

U Pynskhem Mukhim u nongialehkai khmat ka Da-i-hi SC ula khyrwit lai kol haka jingjop ka Da i Hi 6-1 pyrshah iaka Nangbah Pohshnong haka jingiakhun Third Division Football Tournament kaba pyniaid da ka WJDSA kaba long ha Kiang Nangbah haka sngi Saitjain.

U Pynskhem marwei ula khyrwit lai kol kiba wan haka minit kaba 33, 37, 40, ar kol la thep da u Pyndap Pyrtuh (31, 52) bad shikol na u Wanbok Dhar (48).

Ia ka shikol Nangbah Pohshnong la thep da u Riyo Dhar (12)

Ha kawei pat ka jingïakhun ka Madankynsaw Mookyndeng kala pynliem da 2-1 ïaka Pasyih Youth Cultural. Ïaki artylli ki kol jong ka Madankynsaw Mookyndeng la thep da u Dangri Phawa haka minit kaba 18 bad 67. Katba ka shikol jong ka Pasyih Youth Cultural la thep da u Ianeh Phawa haka minit kaba 49.

Katba ka jingiakhun ka Mukhla Umlangshor pyrshah ïaka Lumchyrmang Mihmyntdu kala wai khlem don mano mano ba ioh pynkhih jar.