Khyrwit hattrick u Poimi bad u Chimiki haka jingiakhun ka Nangbah Mooknor pyrshah iaka Khliehshnong Ialong haka Third Div ka WJDSA

Syllad | The Rising MeghalayaApril 22, 2022

Ar tylli ki hattrck mih paw haka jingiakhun ka Nangbah Mooknor pyrshah iaka Khliehshnong Ialong haka jingiakhun Third Division Football- ka 2nd Adelbert Laloo Memorial Trophy kaba pyniaid da ka West Jaintia Hills District ha Kiang Nangbah Stadium kaba long ha ka sngi Palei.

Kine ki ar tylli ki hattrick la khyrwit da u Poimi Thubru jong ka Nangbah Mooknor bad u Chimiki Pale jong ka Khliehshnong Ialong.

Ha kane ka jingiakhun ka Nangbah Mooknor kala jop da 6-4 kol pyrshah iaka Khliehshnong Ialong. Ka Ialong kala tam shakhmat da 2 kol lyngba ka kol u Chimiki (17, 31 bad 80), hynrei tang hadien katto katne minit, u Poimi ula ioh ban pynphai kylla ia kine ki kol (36, 40+1 bad ka 45).

Hadien ka hattrick u Poimi ka jingiakhun kala nang shongshit haka kylla miet bad ka Ialong ruh kam shym la duh lyer bad iakhun tyngeh bad kila pyni markylliang iaka sur ialehkai kaba itynnad jong ki.

U Shimlut Dkhar (52) ula thep iaka kol kaba lai ka Ialong, katba na ka Nangbah Mooknor nalor ka kol u Poimi kala khyrwit sa lai kol lyngba u Rilangki Sungoh ar kol (60, 78) bad u Teilang (74).

Dei hadien ba la shah tam kylla ka Ialong, ka Nangbah kala iakhun tyngeh ban iada iaka kut ialehkai bad ka Ialong shuwa ban wai ka por iakhun u Chimiki ula thep iaka kol ba saw ka Ialong.

Haba phai jingïakhun ka Riatsaliya Mihmyntdu ka la pynliem ïaka Lumkhangdong Kyndongtuber da 3-2 kol

Na kaliang ka Riatsaliya Mihmyntdu la thep ia kine ki kol da u Heimon Dkhar 51, 78) bad u Soki Dkhar (56). Katba ïaki kol jong ka Lumkhangdong Kyndongtuber la thep da u Wanmi Chyrmang (22, 60).

Haka jingïakhun kaba khatduh ka Myrjai ka la pynliem ïaka Nangbah Khloopano da 3-0. Ïa kine ki kol la thep da u Treilang Kyndait (10, 65 bad u Teibha Phawa (55).