Khyrwit hattrick u Donald, jop bun kol ka Madur haka Football League ka TSA

Syllad | The Rising MeghalayaJanuary 12, 2025

U Donald Siangshai ula lah ha ka ban khyrwit da ka hattrick ban lam lynti iaka Madur ban jop da 5-1 pyrshah iaka Madansynrang haka jingialehkai ka Thadlaskein Football League kaba long ha madan stadium Wahiajer haka 11 tarik Kyllalyngkot.

Katba ka Myngkrem kala pynliem da 2-0 iaka Laru bad ka Niriang kala iakhaid bad ka Lad Mukhla khlem don  mano mano ba ioh pynkhih jar.

U Donald Siangshai ula thep saw kol (22, 39, 44, 51) bad shikol la thep da u Ribait Suting (11) kaba la biang pura iaka Madur ban khur iaka namjop. Shi kol na kaliang ka Madansynrang la thep da u Iaidtur Nangbah (3).

Haka jingialehkai kaba bud, ka Myngkrem kala the pia kine ki ar kol lyngba u Clemalson Khynriam (24) bad Rostar Khynriam (45).

Haka 13 tarik Kyllalyngkot ka jingiakhun kan long hapdeng ka Nangroi-I SC pyrshah iaka The A Team haka por 10.00 baje mynstep, ka Khliehtyrshi pyrshah iaka Thadmusem haka por 12.00 baje mynsngi bad ka Ummulong pyrshah iaka Lummuriap haka por 2.00 baje nohphai sngi.