Khyrwit hat trick u Kyrkhudametre Ryngkhlem, jop ka Loomsooiung iaka Panaliar haka 2nd Division ka WJDSA

Syllad | The Rising MeghalayaAugust 29, 2025

Ka hat trick kaba la khyrwit da u Kyrkhudametre Ryngkhlem kala pynlong iaka Loomsoiung Newhill ban jop da 4-0 iaka Panaliar haka jingialehki 2nd Division Football Tournament kaba pyniaid da ka West Jaintia District Sports Association (WJDSA) kaba long ha madan Kiang Nangbah haka 28 tarik Nailar.

U Kyrkhudametre Ryngkhlem ula kylla long u namtam ha kane ka jingialehkai ha kaba marwei ula ioh ban thep ia kine ki 4 kol (17, 49, 63, 77) kaba la biang pura iaka Looomsooiung ban khur iaka namjop.

Shuwa kane haka jingialehkai 3rd Division, ka Lumkhangdong Kyndongtuber kala pynliem da 1-0 iaka Mookaswan Dongwah. Ia kane ka kol jong ka Lumkhangdong Kyndongtuber la thep da u Fourki Shyrmang (54).

Haka jingialehkai kaba bud, ka jingiakhun kala kut da ka jingiakhaid kaba mar 2-2 hapdeng ka Myrjai pyrshah iaka Da-i-hi Mynsngat.

Na kaliang ka Myrjai la thep da u Treilang Kyndait (10, 65), katba iaka Da-i-hi Mynsngat la thep da u Marjan Shylla (40) bad Richard Mukhim (67).

Ha kawei pat ka jingialehkai ka Pateinki Sabahmuswang kala jop da 1-0 iaka Sohmynting Dongnein. Ia kane ka kol jong ka Pateinki Sabahmuswang la thep da u Wanriky Lyngdoh 40.