Khynra ka JSU ia ki bar jylla ha War Jaiñtia

Syllad | The Rising MeghalayaAugust 3, 2021

Ka Jaiñtia Students’ Union (JSU) kum shibynta ban khanglad iaka jingwan buhai shnong ki bar jylla kala khynra ia ki bar jylla bym biang kot biang sla ha Amlarem Sub-Division haka sngi Nyngkong.

Kane ka jingkhynra ka JSU ka dei ruh kum shibynta ban pyrshah iaka jingmynthi jong ak sorkar pdeng ban pynioh Inner Line Permit iaka Jylla Meghalaya.

Ka JSU haba bteng ia kane ka jingkhyra bar jylla lyngba ka tnad Syndai Unit kala khynra ha ka shnong Syndai bad kala lap ba bun ki bar jylla kiba trei haka company airtel. Haba sylli iaki kot ki sla kala lap ba ki biang ki kot ki sla ban pynthikna ba ki dei ki nongshong shnong ka ri bad la bthah iaki ba leit phai marsien dep trei, ong u president JSU Syndai Unit Pynshailang Suliang.

Ula ong ba kin bteng ban khynra iaki bar jylla bad khot wer iaki nongialam shnong bapher bapher ba kim dei ban ai jingbit ne NOC sha ki bar jylla ha kino kino ki jait trei ba dang lah ki trai muluk.

Ka JSU kala ong ba kan dang bteng ia kane ka jingkhynra bar jylla bad la ong ba kala dep pyntip sha ka JHADC halor kane ka mat ban khynra iaki bar jylla kiba wan trei bylla bad leh ki kam khaii bapher bapher, khlem ki kot ki sla ba biang.