Khyllem ar tylli ki post bording ha Saphai lait thaw u paidbah na mynsaw mynsnam

Syllad | The Rising MeghalayaJuly 12, 2022

Ar tylli ki post bording elektrik kiba kynnoh ba ki dei kiba sam iaka bording kaba khlainbor ne high tension kila khyllem haka shnong Saphai haka sngi Nyngkong.

Ka KSU Kupli Area Circle marsien tip iaka jingjia ba khyllem kine ki post bording hapoh shnong Saphai, kala leit ban ujor daka jingthoh ha u Assistant Executive Engineer MePDCL ha Shangpung Sub-Division ma W Dkhar. Ka KSU kala ong ba kane ka jingjia haka por 2.00 Am bad kam shym la don kano kano ka jingjia ba sngewsih.

Ka KSU kala ai da ka jingthoh sha u engineer ka MePDCL bad kala pynkymaw ruh ba kala dep ai jingujor ban dawa jurip iaki post bad pynbha iaka line ding ha katei ka thain. Ka KSU kala kynnoh ba ka MeECL ka khein sting bad ka ap haduh ban da jia ki jingjia ba sngewsih.

Kumban shu pynkynmaw ha u snem 2021 ha ka 10 tarik Lber, ar ngut ki shipara kila khlad hadien ba shah bat bording haka shnong Umsalait, West Jaintia Hills District.

Kane ka jingjia ruh kala jia tang da ka daw ba sam ka bording sha khyndew hadien ba ki ar ngut shi para kiba ialehkai kila shah bat ha u stay wire kaba la wanrah iaka jingjia kaba sngewsih.