Khut psiah dkhot ka sein ki contractor wa supplier

Syllad | The Rising MeghalayaJune 26, 2025

Ka Sein ki Contractor wa ki Supplier iongka Rilum Jaintia kawa tip kam ka “All Jaintia Contractor & Supplier Association (AJC&SA) haka Executive Committee kawa da dep da rai khut ia waroh ki contractor wa supplier hapoh ka Rilum Jaintia wow pyn psiah shapoh ka sein iow ioh iaka tipmit wa pura hapoh ka sein.

Kani ka sein ki Contractor toh kawa da sein hei nongrim wow pait wow sylli iaka bha ka miat kamjooh eh i khoo ki contractor wa ki supplier waroh hapoh ka Rilum Jaintia khlem da em ne kheiñ ia ite i jingiatoh wa ka kam politics.

Chooh chooh kani ka sein em kaleh ka thong wow ia kyntu kynrong iaka bha ka miat iong ka imlang sahlang ha waroh ki liang dei wa iakreh lang leh wa ka sein ki Contractor hapoh Meghalaya kawa tip kam ka All Meghalaya Contractor & Supplier Association kamjooh wa kiwi kiwi ki sein kiwa em ka jingthmu wa bha.

Kat wa kamte ka sein kyntu wei kyrpad ko ia waroh ki para sontractor wa ki Supplier wow psiah dkhot chirup waka sein iow pynkhlan chooh chooh wei wow ye u pyndep iei thmu wei angnood neibynta i bha i miat iong ki para contractor wa ki supplier.

Kani toh katkam i pyllait khubor na u Publicity Secretary ka Sein u Shanbor Lamare wei lada em kam iei phone ha ini i number phone. (Mobile) 7005874528