Khur takma ksiar u Hameshaniah Suiam ka sien nyngkong eh iaka NEHU

Syllad | The Rising MeghalayaApril 24, 2022

Kan long ka sien kaba nyngkong haka history jong skul bah North-Eastern Hill University (NEHU) ba kan ioh khur iaka takma ksiar ha ki lympung ialehkai hapdeng ki para university.

Ha lyndet kane ka jingioh khur takma ksiar ka NEHU kala wan lyngba u Hameshaniah Suiam uba mihkhmat iaka NEHU bad ula jop iaka phainal haka All India Inter University Kickboxing Men Championship 2021-22.

Kane ka lympung kala long ha Dr. RMLA University, Ayodhya, Uttar Pradesh naduh 20-23 une u bnai.

Kane ka jingioh khur takma ksiar u Hameshaniah kala wanrah iaka jingkmen ioaka skul bah baroh kawei.