Khur takma ksiar ar ngut ki khynnah Martial Arts ka Jylla na Hongkong
JOWAI: Arngut ki khynnah ïalehkai Martial Arts ka jylla kila ïoh khur takma ksiar naka ‘7th Hongkong Traditional and Karate Do Invitational Tournament 2019’ kaba long haka 9 bad 10 tarik une u bnai ha Hongkong.
La pyniaid ïa katei ka lympung da ka Eagle Commando International Martial Arts.
Kine ki arngut ki khynnah Martial Arts; ki kynthup ïa u Sumarlang Marweiñ uba shong ba sah ha Pyndengumiong, Mairang West Khasi Hills District uba la jop haka kyrdan senior men full contact black belt bad u Kyrshanbor Romeo Songthiang uba na Kynton U Mon, Lad Nongkrem Laitkor East Khasi Hills District ula jop haka Sub Junior Boys (12 snem) haka jingïalehkai Kumite.
U Sumarlang bad u Kyrshanbor ki dei ki khynnah kiba shah pyntbit haka Meghalaya School Of Martial Arts And Physical Fitness Academy bad kila mih khmat ïaka ri na ka Jeet Kune Do Federation Of India.
Facebook
Instagram
Youtube
Twitter
Leave a Reply