Khur ka WJDBA 12 tylli ki takma Meghalaya State Badminton C’ships, rah biang u Mebanker iaka Men’s Singles

Syllad | The Rising MeghalayaSeptember 4, 2024

Ka West Jaintia District Badminton Association (WJDBA) kala ioh khur haduh 12 tylli ki takma kynthup 7 tylli ki takma ksiar bad 5 tylli ki takma rupa haki kyrdan ialehkai bapher haka lympung “39th Meghalaya State Badminton Championship 2024”.

Kane ka lympung kaba la pynlong ha nongbah Shillong naduh ka 28 tarik haduh 31 tarik Nailar ha Multi Sports Indoor Nehu, Campus Mawlai, Shillong. Kaba pyniaid da ka Young Taleng Badminton Club da ka jingkyrshan ka Meghalaya State Badminton Association (MSBA).

Ha kane ka kynti ruh u Mebanker Shullai ula khur iaka takma ksiar da kaba rah iaka nam lahduh haka Men’s Singles. U Mebanker bad Josefina Dala Passah kila long ruh ki lahduh haka Mixed Doubles.

Kiwei kiwei kiba ioh khur takma, haka Under-13 Boys Single ki long u Deimonmi S Mannar (Runners up), Doubles Deimonmi S Mannar & Wailadmiki S Passah (Champions).

Haka Under-15 Girls Doubles ki long ka Nihaka Lamare & Dana Angelika Phyllei (Runners up). Haka Under-17 Boy Double ki long Dapmon Papang & Lechan Suchiang (Champions).

Haka Under-19 Boys Doubles u Banshanbor Lamare & Lechan Suchiang (Champions), Hunbait S Mannar & Salonbhami Suchiang (Runners up). Haka Mixed Doubles Lemi Nelson Suchiang & Nihaka Lamare (Champions) bad u Banshanbor Lamare & Dabiang Sakani Langdoh (Runners up).

Haka Open To All Categories Men Doubles Deilang Wa-Oo Nongpluh & Mebanker Shullai (Champions). Hrisami Passah & Ram Najiar (Runners up).

Featured Image Credit: Mebanker Shullai