Khot wer ka Kiang Nangbah Government College iaki nongseng kam sha EAP ba ar
Ka Entrepreneurship Development Centre, Kiang Nangbah Government College ha ryngkat ka jingiatreilang bad ka Entrepreneurship Cell jong ka College kin pynlong ia ka Entrepreneurship Awareness Programme (EAP) kaba ar ha ka 6 tarik Nailur (September).
La pdiang sngewbha ia ki nongseng kam seng jam kiba don ia ka jingthrang kiba dei ki nongshong shnong jong ka East Jaintia Hills District bad West Jaintia Hills District bad kiba hapdeng ka rta 18 – 40 snem ba kin register ia lade khlem kano kano ka jingsiew, bad ka tarik ba khatduh kan long ha ka 2 tarik mynta u bnai lyngba kane ka link: Register Hangne
La pynshlur ia ki nongseng kam lajong ban shim biang ia kane ka kabu sa shisien pat, lada ki la duh ia ka EAP kaba la dep dangshen. La kyrpad ia baroh ki nongseng kam seng jam ban wanrah ia ki jingmut jong ki kynthup iaka Elevator Pitch, Business Plan, One-pager, Executive Summary, Prototype sha ka Advisory Board Members jong ka EDC na ka bynta ban jied.
Kumba long ha ka 1st EAP, yn khot bad pdiang tang ia ki 40 tylli ki jingai jingmut kiba hakhmat eh na ki nongseng kam seng jam ba kin wan iashim bynta ha ka prokram, ha kaba tang 10 ngut ki nongseng kam seng jam kin shah jied na ka bynta ka Entrepreneurship Development Programme (EDP).
Facebook
Instagram
Youtube
Twitter
Leave a Reply