Khot wer ka Dorbar Shnong Sabahmuswang sha ka tamasa Winter Fiesta ba ar sngi kaban sdang mynta ka sngi

Syllad | The Rising MeghalayaJanuary 14, 2022

Ban pynlong iaka tamasa Winter Fiesta kaba jop, ka Dorbar Shnong Sabahmuswang ka khot wer sngewbha ia baroh u paidbah ban wan sha kane ka tamasa kaba ar sngi kaba sdang mynta ka sngi 14 tarik bad kut haka 15 tarik Kyllalyngkot (January) 2022.

Ha kane ka tamasa ka ban long ha madan ialehkai ka shnong Sabahmuswang yn wan ban pynshongshit da ki kynhun nongtem bad DJ ba paw bad kin don ruh ki jingialehkai ban pybyrngia bad ka bam ka dih nalor ka put ka tem.

Ka kynhun tem Recalling, DJ Exitosa bad LZ10 tem mynta ka sngi 14 tarik, katba ka The Titans bad ka DJ Daffy, Favian kin tem kin rwai haka sngi ba bud.

Ka Dorbar shnong Sabahmuswang kala pynlong ia kane ka tamasa ban pynmih pisa na ka bynta ban tei ïaka Community Hall jong ka shnong. Ha kane ka tamasa ka don ruh ka jingpynkhalai nusip ne Lucky Draw, ka khusnam 1st Prize kadei ka Maruti Celerio, 2nd Prize T. 50, 000/- bad 3rd Prize ka Refrigerator.