Khot u DSO Jowai ban iashimbynta haka Open Volleyball C’ships

Syllad | The Rising MeghalayaOctober 30, 2023

Ka ophis u District Sports Officer (DSO), West Jaintia Hills District ryngkat ka jingiatreilang ka West Jaintia District Sports Association (WJDSA) kin pynlong iaka lympung ialehkai ‘Open Volleyball Championship–2023 na ka bynta ki khynnah shynrang bad khynnah kynthei.

Baroh ki kynhun ne ki club, ki skul, ki kolej bad kiwei kiwei kiba hap hapoh ka West Jaintia Hills District la khot sngewbha iaki ba kin iashim bynta ha kane ka lympung ka ban pynlong ha u bnai Naiwieng (November) bad Nohprah (December).

Ka tarik khatduh ban pynpoi iaki kyrteng kan long haka 9 tarik Naiwieng 2023.

Kino kino ki ban iashim bynta ki lah ban wan shim Form na ka ophis u DSO haka por long trei . Ka tarik bad ka jaka pynlong yn pyntip hadien