Khot shuwa iaka public hearing shuwa ban pyndait Smart Meter ong ka synjuk waheh shnong ri Jaintia iaka MeECL

Syllad | The Rising MeghalayaFebruary 15, 2022

Ka Synjuk Waheh Shnong Ri Jaintia (SWSRJ) ka la pynpaw ka jingpyrshah kaba jur ïaka hukum jong ka sorkar kaba la bthah ïaka tnad MeECL ban pyndait Smart Meter sha baroh ki longïing.

U Ma Arminius Lypon President ka synjuk haba ïakren bad ki lad pathai khubor ula ong ba ka synjuk haka jingshong jingïalang ka la rai ban pyrshah jur ïa kane ka hukum jong ka sorkar Jylla namar kan ktah ïaka ïoh ka kot khamtam ki longïing baduk.

Haka jingshisha ka sorkar kadei ban pynsngewthuh paidbah shwa shaphang u Smart Meter khnang ba ki paidbah kin dup tip bad sngewthuh namar kumba long mynta bun ki briew kiba trei na kti ha ktien ne ki BPL kin shem jingeh bad sha ktah hadien habud lada pyndait Smart meter, ong u Ma Lypon.

U Ma Lypon ula kyntu ïa baroh ki waheh shnong ka rilum Jaintia ba kin pynsangeh shwa ïaki briew jong ka tnad MeECL ban pyndait Smart meter ha ki shnong jong ki bad dawa na ka tnad MeECL ban pynlong da ka jingpynsngewthuh paidbah ne Public Hearing shwa ban ïaid shakhmat ka jingpyndait ïaki Smart Meter.