Khot pynlong ka WJSU da ka 1st War Jaintia Invitation Football Tournament

Syllad | The Rising MeghalayaApril 9, 2025

Ka War Jaintia Student Union (WJSU) kan pynlong iaka 1st War Jaintia Invitation Football Tournament 2025 ha madan Amshipai (Amsohkrut), Amlarem.

Kane ka jingialehkai kan sdang haka 12 tarik Iaiong ha ka por 11:30 baje mynstep hapdeng ka Iatyllilang Lumsehkot Cultural Sports Club, Raliang pyrshah iaka Amlarem Social Club.

Ka jingialehkai kan long haka dur jong ka Knockout.

Ha kane ka jingialehkai la don 8 tylli ki team kynthup ka Iatyllilang Lumsehkot Cultural Sports Club Raliang, ka Amlarem Social Club, Lamyrsiang SCC, Lamin Eleven SCC, Nongkhohrim SC, Padu United, Nongmadan Sport & Cultural Club, Pynursla bad Syndai Pynlun Sport Club.

Ka jingthmu jong kane jingialehkai ka long ban pynmih fund na ka bynta ban ai training iaki 50 ngut ki nonghikai ba hap hapoh ka Amlarem Sub Division da ki nonghikai ba tbit napoh ka ICFAI University, Shillong.

Ka WJSU ka khot ka wer iaki paidbah bad ki riew ieid phutbol ban wan sakhi ia kane ka lympung ialehkai.