Khot pyniasoh thymmai ka EJHDFA

Syllad | The Rising MeghalayaMay 11, 2025

Ka East Jaintia Hills District Football Association (EJHDFA) ka khot ka wer iaki club ban pyniasoh thymmai bad ka synjuk (Renewal of Affiliation) na ka bynta kane ka samoi 2025-2026.

Ka bai pynthymmai (Renewal) ka long T. 1000/-, bad kiba pyniasoh thymmai ka long T.10 000/-.

Ka tarik ban pdiang ka long naduh ka 12.05.2025 haduh 17.05.2025 ha ophis treikam ka synjuk kaba don ha Diengshynrum naduh ka por 10.00 baje mynstep haduh 3.00 baje nohphai sngi.

Ka EJHDFA kala pynkynmaw ruh iaki klob kiba dang don ka jingsiew ba sahteng ban pynkhuid noh ha kine ki sngi.

La pyntip ruh ba ka jingialehkai 3rd Division bad 2nd Division kan sdang noh ha u bnai Jylliew bad Nailar 2025 bad iaka tarik yn pynbna hadien.