Khot u MLA Jowai iaki samla ban shimbynta haka Youth Employment Survey 2024 ban ithuh iaki nongseng kam
Haka sienjam kaba kongsan u MLA Jowai, u Bah Wailadmiki Shylla ula pynbna ban sdang iaka Youth Employment Survey 2024 ban shim jingkhein iaki samla kiba kwah ban ieng hala ki jong ki kjat ban seng kam lyngba ka Business Startup 2.0.
Ia kane u Bah Wailadmiki uba long ruh u Chairman Meghalaya Urban Development Authority, ula ong haka jingialang pynkup burom iaki 30 ngut samla kiba la pyndep iaka jingshah hikai pyntbit ban long ki misteri Rural Masonry program kaba long ha Thomas Jones Synod College haka 23 tarik Nailar.
Ia kane ka jingai jinghikai kaba lai bnai lynter la pynlong da ka Jaiñtia Institute of Technology (JIT) bad kyrshan da ka Meghalaya State Skill Development. Kine kiba la pyndep iaka jinghikai kin trei iaki iing ba duk ka Pradhan Mantri Awas Yojana (PMAY) hapoh ka jingkhmih jong ka District Skills Committee in West Jaiñtia Hills District. Ia kine kiba la dep shah hikai pyntbit kila ioh ruh iaki tiar trei ne ki startup tools bad ki certificate.
Shuh shuh u Bah Wailadmiki haba kren ula ong ka jingthmu ban pyllait da ki form ka long ban jied ia ki samla kiba don iaka buit sengkam ba thymmai ban kyntiew iaka ioh ka kot hapoh ka imlang ka sahlang. Kane ka prokram ka dei tang na ka bynta ki nongshong shnong kiba hap hapoh ka Jowai Constituency. Kiba kwah kilah ban pyndap ia kane ka form: Youth Employment Survey – Jowai 2024
U MLA Jowai ula iathuh ruh iaka jingjop jong ka Business Startup ha u snem bala dep ha kaba na ki 4000 ngut ki nongaplai, la jied 60 ngut. U la pynbna da ka jingsngew sarong ba 40 haduh 45 ngut ki la sdang ia la ka jong ka kam, bad kila long ki nongaikam.
Kiba iadonlang ha kane ka jingialang ki kynthup ia u Skills Development Officer MSSDS Bah L Suchen, u Director ka Jaintia Institute Technology, Jowai Bah B Marwein, ka Principal TJSC ka Dr. Iaraplang Dkhar nalor kiwei kiwei.
Facebook
Instagram
Youtube
Twitter
business