Khot interview ka DSEO iaki post nonghikai ha Sohkha, Nongtalang, Govt Girls’ HSS

Syllad | The Rising MeghalayaOctober 11, 2023

Ka ophis jong ka District School Education Officer (DSEO) West Jaintia Hills District haka 9 tarik une u bnai kala pynbna ba kala khot iaka walk-in-interview na ka bynta ki lai tylli ki post nonghikai kiba thylli.

Kine ki post nonghikai kiba thylli ki kynthup iaka kam Assistant Teacher (Arts)/ Assistant Lecturers (Biology/ Chemistry) bad kane ka kam ka dei ka contract basis. Kane ka jingthung kam ka dei ha Sohkha Govt. HSS, Nongtalang Govt. HSS bad Government Girls’ Higher Secondary School, Jowai.

Ka tarik interview kalong haka 17 tarik na ka bynta ki Assistant Techer (Arts) BA, BEd, haka 18 tarik na ka bynta ki Assistant Lecturer in Biology (MSc (Botany, Zoology), BEd bad haka 19 tarik Risaw na ka bynta ka Assistant Lecturer in Chemistry (MSc (Chemistry), BEd.

Kane ka jingpynmih ka DSEO ia kane ka advertisement/jingpynbna ka jia long hadien ka jingtuklar ka Khasi Students’ Union, War Jaintia Circle kiba la jurip iaka skul ha Sohkha Government HSS kaba ym don nonghikai haka subject Chemistry naduh u bnai Lber.

Nalor kata ka JSU ruh kala ai por shitaiew iaka ban pyndap iaka post kaba thylli ha Govt Girls HSS Jowai halor ka jingbymdon nonghikai ha ki artylli ki sobjek, kata ha ka Biology bad ka Environment Science ha ka Science Stream jong ka Govt Girls HSS Jowai mynta lah hynriew bnai kynthih.