Khot iathir jingmut ka KSU iaki nongialam shnong ba bun ki thliew ki syar ha NH-6 ban iaka surok

Syllad | The Rising MeghalayaJuly 9, 2023

Ka KSU Narpuh kala khot iaki nongialam shnong ka Narpuh, ki sengbhalang ban iathir jingmut halor ka jingsniew palait liam ka surok bah NH6 naduh na Lumshnong sha Malidor kaba la bun da ki thliew ki syar ban iaka surok.

U geneal secretary KSU Narpuh, S Bamon ula ong ka por kala dei eh iaki paidbah bad sengbhalang bad ki nongialam ban iakhih ha surok namar kane ka jingieh sah ka sorkar iaka surok khlem shna kaba la buh jingma iaka iaid ka ieng u paidbah.

Une u nongialam ka ula kynthoh ruh hato ka dei na ka jingbamsap ba la shu ieh tynkreng iaka surok khlem maramot.

Ka KSU Narpuh Circle kan khot ia baroh ki rangbah shnong jong ka thaiñ ban ia mir jingmut bad ban shim ia ka rai halor ka jinglong jingman u surok bah NH-6 kaba la pynklumar thlim ki nongñiah kali ban ñiah lyngba kane suroh bah ba pyniasoh haduh 4 tylli ki jylla ka thaiń shatei lam mihngi, Manipur, Mizoram, Assam bad Tripura.

Lyngba une u surok la ithuh shai ba ka bam sap ka jur bha ki nongsynshar haduh ba kim lait ang shuh ha khmat ka NHAI, katno ka long ka jinglehraiñ kaba khraw ia ka jylla, la ong ka KSU Narpuh

“Ka surok ha shilynter la long kum ki pung ri dohkha. Hapoh ka 1 km don haduh 3 ne 4 tylli ki kali ki sniew. Namar kane ka jingjot u surok ka pynlong ia ki kali ban sniew bad ka wanrah ka jingdheng kali. Sngew sammut pat ban pyrkhat ba ka sorkar ka kwah lynti rel haba tang ia kane ka surok kaba la don lypa kam lah ban leh eiei, ka ia phohsniew pynban sha ka lynti rel,” ong ka KSU Narpuh

Ha shwa ban shim ka rai, ka KSU kan khot ban ia mir jingmut lang bad riew paw khmat lem bad ki rangbah shnong ka thaiñ narpuh.