Khot iashimbynta ka WJDBA sha ka District Open Badminton C’ship

Syllad | The Rising MeghalayaJuly 15, 2025

Ka West Jaintia District Badminton Association (WJDBA) kala khot iashimbynta iaki nongialehkai Badminton sha ka 16th District Open Badminton Championship 2025 ka ban long naduh 28 taik Naitung haduh 1 tarik Nailar 2025.

Kane ka jingialehkai kanlong manla ka janmiet haka 5 baje ha Indoor Hall Seinraij Jowai, Tpep Pale.

Kane ka lympung ialehkai ka long ruh shibynta ka jingpynkhreh ban leit iashimbynta haka 40th Meghalaya State Badminton Championship 2025.

Ki kyrdan ialehkai bad ka jingot snem:

Under-13 Boys Singles/Doubles- kiba kha lane shwa ka 01.01.2013.
Under-15 Boys Singles/Doubles, kiba kha ha lane shwa ka 01.01.2011.
Under-17 Boys Singles/Doubles kiba kha ha lane shwa ka 01.01.2009.
Under-19 Boys Singles/ Doubles kiba kha ha lane shwa ka 01.01.2007.
Under-19 Mixed Doubles kiba kha ha lane shwa ka 01.01.2007.

Baroh ki nongiashimbynta ki dei ban submit ruh ia ka Aadhaar card.

Katba Open category ki jingialehkai ki kynthup iaka Women’s Singles, Women’s Doubles, Men’s Singles, Men’s Doubles bad ka Mixed Doubles.

Baroh ki nongialehkai ki lah ban shim bynta tang 2 tylli ki jingialehkai lait noh ka Mixed Doubles.

Ka tarik ba khatduh ban pynpoi ia ki kyrteng kan long ha ka 21 Naitung hapoh ka por 7:00 baje janmiet. Lah ruh ban phone ha kine ki number 9612098639 | 9366115391