Khot iashimbynta ka WJDBA sha ka 5th District Open Badminton C’ships

Syllad | The Rising MeghalayaAugust 29, 2024

Ka West Jaintia District Badminton Association (WJDBA), Jowai, ka khot bad wer iaki khun samla ka rilum Jaintia ban wan iashim bynta sha ka lympung ialehkai badminton kaba 15th District Open Badminton Championship. Kane ka lympung yn pynlong haka 9 tarik haduh ka 14 tarik u Nailur 2024 ha Indoor Hall ka Seinraij Jowai (Madan Ryngkaw), Tpep-pale Jowai, naduh ka por 5:30 janmiet.

Ki kyrdan ialehkai ki kynthup iaka Under 19 Boy’s & Girl’s haka Singles bad Doubles, Men’s Open (Singles bad Doubles), 35 snem shaneng (Men’s Singles bad Doubles), 55 snem shaneng (Men’s Single bad Doubles), Women’s Open (Singles bad Doubles), bad ka Mixed Doubles. Baroh ki kyrdan ialehkai kim dei ban duna 4 team.

Ka tarik ba khadduh ban pynpoi ia ki kyrteng ka long ha ka 5 tarik u Nailur 2024, hapoh ka por 6 baje janmiet.

Baroh ki nongiashim bynta ki lah ban shim bynta ha ar kyrdan (category) lane lai event. Iaki jingtip ba kham bniah, phi lah ban phone ha u Tournament Secretary Richard Mylliem, ha u number 9436566773, lane ha u Public Secretary ka Association ha u number 9366115391.