Khot wer iashimbynta ka EJHDFA sha ka Baby League Football

Syllad | The Rising MeghalayaApril 1, 2025

Ka East Jaintia Hills District Football Association (EJHDFA) kala pyntip ban kan pynlong iaka Baby League Football ha kajuh ka por kan pynlong iaka jingai jinghikai iaki hep rit ka thain.

Ia kane ka Baby League yn pyniaid da ka Youth Development Committee ka EJHDFA ryngkat ka jingkyrshan ka District Sports Promotion Society.

Ki kyrdan ki kynthup iaka Under-9, Under-11 bad ka Under-7.

Ka tarik khatduh ka long haka 3 tarik Iaiong, katba ka jingpyndap bad ka jingpynpoi kyrteng kalong haka 5 tarik Iaiong. Yn pdiang tang 6 tylli ki team ha kaba iaka jingialehkai yn pynialehkai tang haka sngi Saitjain bad sngi shuti.

Ka jingialehkai na ka bynta ki hep ba rit haka kyrdan Under-7 ka kynthup iaka coaching, demonstration bad jingpynbyrngia.

Kawei pa kawei ka kyrdan dei ban don 1/3 bynta ki kynthei iaki shynrang lane ki shynrang iaki kynthei.