Khlem treikam ka PNB ha Nangbah, ujor ka KSU

Syllad | The Rising MeghalayaJune 15, 2021

Ka KSU Nangbah Unit haka 14 tarik haka jingialam jong u president ka unit u Morning Star Pasi, general secretary u Eugine Hinge kila ai da ka jingthoh ban ujor halor ka jingbym ai jingshakri ka Punjab National Bank, Nangbah Branch.

Ka KSU kala ujor ba kane ka bank mynta la shi taiew eiei ka khlem treikam bad kala pynthud iaka shikatdei eh ia ki paidbah kiba iadei kam bad katei ka bank.

Ka KSU kala dawa na u branch manager ka bank ban pynbiang iaka jingsharki bad ban buh ruh iaka ATM ban pynsuk ia u paidbah ba donkam pisa.

Na kaliang u Branch Manager ka Banka ula kular badn shimkhia ban pynbiang iaka jingdonkam bad nakaliang ka KSU ruh kala por shitaiew ia u manager ka bank bad lada um lah ban leh ia kaba donkam ka KSU kala byrthen ban ujor sha ki bor ba halor ka bank.