Khlad uwei na ka jingshah iuh haka trok 12 shaka ha Phramer

Syllad | The Rising MeghalayaNovember 5, 2023

Uwei u briew bym la satia ban ithuh ula shah iuh haka trok 12 shaka ka jaka kaba la tip kum ka Sahdaloi Thadmuthlong Phramer, West Jaintia Hills.

U Superintendent of Police West Jaintia Hills Distrct, ula iathuh ba kane ka jingjia kala jia haka por kumba 11:50 AM ha kaba kane ka trok 12 shaka kumno re kumno kala iuh ia une briew ha surok bah NH 6.

Une u briew antad u don haka rta kaba 35-45 snem ka rta bad na dur bad u dei na ka jaibynriew riewlum. La lap ia u hapdeng ka jigbymtip briew bad mynsaw jur na ka bynta ka khlieh bad ula khlad hashen na kane ka jingmynsaw, la ong u SP.

Ula ong ruh wat hadien ba kila pyrshang ban wad jingtip halor une u briew, hynrei kim pat lah satia ban pynthikna.

Kino kino kiba don jingtip la kyntu iaki ban ai shaphang une u briew da kaba phone ha u number 7005131566 – SI S Dkhar u ophisar ba tohkit ia kane ka jingjia bad 9774065467 – PCR Jowai