Khlad uwei na ka jingjia aksident ha Wapung

Syllad | The Rising MeghalayaMay 2, 2025

Uwei u briew u la duh noh ia la ka jingim haka jingjia aksident kali hapdeng ka trok bad ka Mahindra Pik-up kaba la jia Wapung, East Jaintia Hills District haka 2 tarik Jymmang

Ki pulit ki la iathuh ba kawei ka trok kit mar kaba don ia u number AS 01 LC 5896 kaba la niah da u Samir Malakar na Agartala ka dang iaid na Lumshnong sha Guwahati, hynrei haba la poi ha Wapung kawei ka kali Pik-up kaba don ia u No. ML11-6931 kaba la niah da u Lando Shylla na Lumshnong kaba wan mar pyrshah bad sted bha bad kaba iaid bakla sha ka liang jong kiwei ne wrong side kala tynrah ia kane ka trok.

Ki paidbah kiba la sakhi ia kane ka jingjia kila iathuh ba u nongniah ka trok ula pyrshang ban niah iaka kali sha kawei pat kaliang, pynban ka jingher sted kane ka pikup bad ka jingbym lah shuh u nongniah ban tehlakam iaka kali kala tynrah mar khmat bad kane ka tynrah, la iathuh ki pulit.

Ki Pulit kila ong ba namar ka jingjur jong ka jingiatakhuh u nongniah kane ka pik up ula khlad noh ha Khliehriat Civil Hospital naka daw ka jingmynsaw jur. Katba u nongniah ka trok ula pyndem hi ialade hakhmat ki pulit bad la ialam ia u sha hospital ban eksamin.

Hadien ba la pyndep iaki jingdonkam jong ka ain haka jaka ba jia ka aksident la kurup bad tan ia baroh ar tylli ki kali sha Kongong ka jaka ba buh khyrdop Naka ki pulit East Jaintia Hills.