Khlad u Saimon Mannar u nongialam ka EJNC

Syllad | The Rising MeghalayaAugust 12, 2021

U Saimon Mannar, Disciplinary Secretary EJNC-CEC ula khlad noh na ka pyrthei haka 12/08/21 haka por 1: 30pm ha Woodland Hospital, Soomer West Jaintia Hills District, hadien ka jingshitom kaba la bat ia u kynsan kynsan.

Ka EJNC kala ong ba jingkhlad noh jong u Saimon Mannar ka long ka jingduh kaba khraw ymtang iaka iing ka sem jong u, hynrei iaka EJNC baroh kawei.

U Ency Shadap, Vice President EJNC – CEC ha u kyrwoh ula ong ba ka EJNC ka phah iaka khubor sngewlem sha kiba haing hasem, ki kur ki jait bad ki paralok para jor jong u Saimon Mannar bad ka kyrmen ba u nongbuh nongthaw un pyntngen iaka iing ka sem jong u Saimon baroh kawei.