Khlad syndet u ma Sing Mulieh MLA barim ka Jowai

Syllad | The Rising MeghalayaMay 10, 2022

U Ma Sing Mulieh MLA barim ka Jowai ula khlad kyndit hynne ka step ha iing sah jong u ha Loompyrdi Iongpiah, Jowai.

Ka khubor kaba iohlum ka iathuh ba ula khlad haba thiah.

U Ma Sing ula bat kum u MLA ka Jowai ha u snem 1998, kaba ka UDP kala jop ha baroh 7 constituency ha Rilum Jaintia Hills bad hadien pat ula jop ha u snem 2003. Ula long teng ruh u MDC ha JHADC.

Kham hadien ula iasoh ialade sha ka BJP bad ula bat ruh kum u nongialam ba dei khmih iaka West Jaintia Hills District.

Ia ka met kaba sah jong u ma Sing la rah sha ka shnong trai jong u sha Ialong, ka shnong kaba jngai na Jowai, ka district headquater tang 8 Km.

Kumban shu iathuh ba ka sien kaba khatduh ba u ma Sing Mulieh ula mih ban aireng haka elekshon MLA ka dei ha u snem 2013.

Mynta ka kynti ka khubor kala iaid sharum shaneng ba ula rai ban mih aireng biang haka elekshon MLA 2023, pynban kala wan jia noh kane ka jingjia kaba sngewsih.

Ka jingpyndep iaka niam ba khatduh kan long haka 12 tarik une u bnai ha Ialong.