Khlad sa 4 ngut, kynjoh ka jingiap khlam COVID-19 sha ka 831, iabit khlam thymmai 378

Syllad | The Rising MeghalayaJune 29, 2021

Ka jingdon jong ki briew kiba iap pang COVID-19 kala kynjoh sha 831 ngut ha Jylla hadien bala khlad biang sa 4 ngut haka sngi ba Ar.

Kine kiba khlad sa 4 ngut ki dei na East Khasi Hills: 01, Ri Bhoi: 01, South West Khasi Hills: 01 bad West Jaintia Hills: 01.

Kat kum ka jingpyntip ka Tnad ka Koit ka Khiah, sa 378 ngut ki briew kila ïabit thymmai ïa kane ka jingpangkhlam bad kiba dang shitom ne ki active case ka long 4263 ngut hapoh ka Jylla.

Ki briew kiba iabit thymmai iaka jingpang khlam ki kynthup na EGH: 22, EJH: 09, EKH: 110, NGH: 45, RBD: 19, SGH: 12, SWGH: 17, SWKH: 11, WGH: 54, WJH: 66 bad WKH: 13.

Ki nongpang kiba la ioh pat iaka jingkoit ki don haduh 489 ngut. Kine ki kynthup na EGH: 28, EJH: 13, EKH: 135, NGH: 12, RBD: 55, SGH: 19, SWGH: 19, SWKH: 24, WGH: 64, WJH: 113 bad WKH: 07.

Ka jingdon jong ki briew bala ïabit ïa kane ka jingpang khlam ha Jylla baroh ka long 49161 ngut bad napdeng kine 44067 ngut kila ïoh ïa ka jingkoit bad 831 ngut kiba ïap nalor ki briew ba dang shitom.