Khlad noh u Ma Teilang Dkhar u dkhot ka JSM

Syllad | The Rising MeghalayaSeptember 13, 2022

U Ma Teilang Dkhar uba shong ba sah ha Mookynphad, Mihmyntdu ula khlad noh haka 13/09/22. U Teilang u dei u dkhot ba pura jong ka Jaintia Student’s Movement (JSM).

U Teilang ula ju bat iaka kam president ka JSM western region naduh 2014-2017 bad u dkhot ka CEC haduh mynta.

Na kaliang ka JSM ka ong ba u Teilang u dei u dkhot ba shitrhem bad bun ki kam ula synniang kum u nongialam bad dkhot ban pynbha iaka jingtreikam ka JSM bad trei na ka bynta ka bha ka miat ka imlang ka sahlang.

Ka JSM ka phah ka khubor sngewlem sha kiba haiing hasem bad ki khun ki kti jong u Ma Teilang Dkhar bad ka kyrmen ba u nongbuh nongthaw un pyntngen iaka iing ka sem jong u ha kum kane ka por ka jingsngewsih.

Ka jingleit ontep ia u Ma Teilang Dkhar kan long haka 14/09/22 ha u lum jingtep ka Balang Katholik, Mihmyntdu haka por 12 Pm.