Khlad noh u Editor ka khubor U Nongsaiñ Hima

Syllad | The Rising MeghalayaSeptember 22, 2020

U Bah Lambok Thabah Editor jong ka kot khubor U Nongsain Hima ula khlad kyndit mynta ka step bad kane kala pynkyndit ia baroh ki para nongthoh khubor ka Jylla namar ba u leit trei manla ka sngi.

Kane ka jingkhlad kyndit u Bah Lam kadei ka jingduh kaba khraw ym tang iaka iing ka sem jong u hynrei ia baroh kiba iadonlang haka kam thoh khubor.

U Bah Lam ula ud suh bad la pynkit mar mar ia u sha Bethany Hospital Shillong ban phah sumar haka por kumba 1 baje mynstep, hynrei hadien katto katne por la pyntip ba u la khlad noh hapoh ka tei ka jaka sumar.

U bah Lambok udei uwei na ki nongthoh khubor uba la ioh iaka khusnam Ramnath Goenka Excellence in Journalism Award -2014 jong ka Indian Express Group halor ka jinglah jong u ban pyndep hok iala ka kamram ban thoh iaka khubor kaba shisha halor ka jingduh mar rashon khaw bad shini jong ki 20 tylli ki longiing ha ka shnong Mawsynram, East Khasi Hills District.

U Bah Lam u dei uba shong ba sah ha Mawlai, Mawtawar, Shillong hajan ka ïingmane Balang Katholik. Ka jingleit ontep ia u Bah Lam kan long haka 24 tarik haka por 2 baje nohphaisngi ha u lum jingtep ka Balang Katholik.