Khlad noh u Bah Frankie Pariat u rang ialehkai barim ka Jylla

Syllad | The Rising MeghalayaJune 14, 2021

U Bah Frankie Pariat, uba trei hapoh ka AG Ophis, ha Shillong bad uba long uwei na ki nongialehkai athletic bad football ka Jylla uba la paw haki por ba mynshwa ula khlad noh haka 14 tarik u Jylliew 2021.

U Bah Franki ula paw bha ha kine ki ki artylli ki jingialehka. Ula don bynta lang ruh bad ka kynhun ialehkai jong ka skul St Anthony’s kaba la rah ia ka nam lahduh jong ka lympung ialehkai Subroto Cup ha u snem 1978.

Ula pyniasnoh ialade bad ka kynhun ialehkai jong ka Blue Max kaba la khylliap lama bad hadien ula ialehkai naka Lajong FC.

Kum u nongialehkai athletic u Bah Frankie ula mihkhmat ia ka jylla sha ka lympung ialehkai jong ka Senior National Athletic Championship ba la long ha u snem 1991, ha Gandhinagar, Gujarat bad ha u snem 1984 u la mih khmat sha ka lympung ialehkai jong ka Nehu Inter College Athletic Meet.