Khlad noh I Ma S Quotient Sumer i nongthoh khubor barim ka rilum Jaintia

Syllad | The Rising MeghalayaDecember 30, 2022

I Ma S. Quotient Sumer iba la kynjoh iaka rta kaba 89 snem ila khlad noh haka 30 tarik Nohphrah ha iingsah jong i ha Panaliar, Jowai.

I Ma S. Quotient Sumer i dei i kpa jong i Ma Riquoma Rq. Laloo Waheh shnong Panaliar.

I Ma S Quotient i dei i nongthoh kot bad i nongthoh khubor bad editor barim ka rilum Jaintia bad ila synniang ruh shibun sha ka imlang ka sahlang ha ki rukom bapher bapher. I dei ruh iwei na ki nongseng jong ka Jowai Consumers Co-operative Store. Kane ka Coperative Society kala ai jingshakri iaka sor Jowai bad ki shnong ba marjan khamtam ia kiba duk ba kyrduh naduh u snem 1963.

Iaka met jong i Ma S Quotient Sumer la pynthiah ha ïing ka Kong Phelima Sumer, Loomkhliehriat kaba don ha Panaliar Jowai bad ïaka lehniam ba khatduh yn pyndep haka 01:01:2023 haka por 10.00 baje mynstep ha Khnap Thangbru Khimusniang, Jowai.