Khlad ka longkmie na Jowai, mynsaw jur 4 ngut haka jingiatakhuh kali ha Mawryngkneng

Syllad | The Rising MeghalayaAugust 20, 2024

Kawei ka longkmie kala khlad noh, katba saw ngut kynthup ki khun bad u nongniah kali kila mynsaw jur haka jingjia iatakhuh kali ha Mawryngkneng, East Khasi Hills District.

Kane ka jingjia iatakhuh kali kala jia haka step 20 tarik Nailar ha ka por kumba 9 baje eiei mynstep hajan kawei ka dhaba shuwa ban poi ka iew Mawryngkneng hapdeng ka trok bad ka Toyota Innova kaba shong kane ka longkmie bad ki khun.

Kane ka longkmie kaba la khlad na kane ka jingjia aksident ka dei kaba la tip kum ka Kong Jannibha Laloo ba na Panaliar, Jowai bad kiba shong ba sah ha sor Shillong. La iathuh ba ki mih na Shillong bad thmu ban wan sha Jowai, hynrei haba poi ha Mawryngkneng kila ngat ha kane ka apot kaba sngewsih.

Ia kine ki mynsaw la pynkit mar mar sha ki jaka sumar sha Shillong ban ioh iaka jingsumar.