Khlad 2 ngut kynthup i khyllung haka jingjia aksident shah ban kali ha Mukhla

Syllad | The Rising MeghalayaAugust 21, 2025

Ka jingjia aksident kali kaba la jia hajan ka pung Thadlaskein, kala wanrah iaka jingduh noh iaki ar ki mynsiem, kynthup i khunlung ba 2 snem hadien ba ka trok kaba kit clinker kala ban iaka Maruti Eeco haduh ba kan julor phom.

Kane ka jingjia aksident kala jia haka step 21 tarik Nailar haka por 11 shiteng haka surok bah NH 6 ha Thadlaskein, Mukhla.

Ki pulit ki la iathuh ba u Convince Susngi na ka shnong Nangbah, West Jaintia Hills District uba la niah ia katei ka Maruti Eeco kaba don ia u number ML 04 E 0731 kaba la shah ban ha kane ka trok kaba don u number UP 76 T 1960, kala shimpor haudh 3 kynta iaki pulit ban ioh sei ia u namar ba kila hap ban phah ia bun tylli ki kali khwai.

Hadien ba la ioh sei ia u Convince la pynkit ia u sha Jowai Civil Hospital, kaba u doctor ula pynbna ba ula khlad noh. Iaka post mortem yn pyndep haka 22 tarik Nailar.

Ki pulit kila iathuh ruh ba i khyllung ba dang ar snem u Hawasan Sari ruh uba la bah na shadien da ka kmie ka kong Sooki Sari kiba shah syllad haka por ba ki iaid lynti ha kane ka trok la pynkit mar mar sha Dr Norman Tunnel Hospital, hynrei la pynbna ba u khun ula khlad noh, katba ka kmie ka don haka jingshitom jur bad ka don ha ICU jong kane ka Hospital.  

Ia ka met iap jong I ne I khyllung la aiti sha kiba ha iing ha sem hadien ba la pyndep ia ka jingtohkit bad ka jingtohkit.

Ha kane ka jingjia ar tylli kiwei pat ki kali kila julor. Kawei ka dei ka kali kamai tourist Maruti Alto kaba don ia u number ML 04C 5529 kala shah ban na ka bynta ba shakhmat ka kali, katba ka kali private kaba don ia u number ML 04 D 3446 kala julor malu mala.