Khang u DM ka Ri Bhoi ia ki kali kiba kit palat 15 MT ban iaid lyngba ka jingkieng Damsite

Syllad | The Rising MeghalayaNovember 7, 2023

U District Magistrate ka Ri Bhoi District, Nongpoh u la pynjari da ka kyndon Section 144 CrPC kaba khang pyrshah ia ki kali kiba kit palat ia ka 15 Metric Ton ba kin iaid lyngba ka jingkieng Damsite (Umiam) kat haduh ban da dep ban maramot ia ki bynta jong ki nar bad paia (girder beam bad deck slab) kiba pynskhem ia ka jingkieng.

Ia kane la leh katkum ka kaiphot ba la ioh pdiang lyngba ka Safety Audit halor kane ka jingkieng Bridge ba ju pyllait um na kane ka pung Umiam hadien ka jingai jingmut da ka IIT, Guwahati.

Namar ka jingdawa kyrkieh jong kane ka kam, kumta ruh kane ka jingpynmih hukum ka la treikam mardor tad haduh ban da pynbna da kumwei pat.